22/02/2018

TOMIÑO / VILA NOVA DE CERVEIRA

GRANDES FIRMAS DA ARQUITECTURA E A ENXEÑERÍA COPAN OS PREMIOS DO CONCURSO DE IDEAS DA DEPUTACIÓN DE PONTEVEDRA PARA A PONTE PEONIL ENTRE TOMIÑO E CERVEIRA 

Álvaro Siza e Jorge Amorín Nunes, Francisco Javier Zubia e Paula Teles, e Ginés  Garrido e Alejandro Bernabeu conseguiron as tres mellores puntuacións entre as 24 propostas aceptadas  

De esq. a der.: Carlos López Font, Fernando Nogueira, Carmela Silva Rego, Sandra González Álvarez e Uxío Benítez Fernández coas infografías dos tres proxectos premiados
Fotos: D. P.
A presidenta da Deputación de Pontevedra cos membros do xurado

Infogauda / Tomiño / Vila Nova de Cerveira

 Grandes firmas da arquitectura e a enxeñería tan coñecidos como Álvaro Siza, Javier Zubía e Paula Teles ou Ginés Garrido veñen de copar os tres premios do concurso de ideas celebrado pola Deputación de Pontevedra para elixir o deseño da nova ponte peonil sobre o río Miño entre Tomiño e Vila Nova de Cerveira. Segundo explicou o deputado de Cooperación Transfronteiriza Uxío Benítez, o xurado, prácticamente por unanimidade, escolleu as propostas definidas como de “alta categoría”,“excelente nivel”, e incluso como “esculturas sobre o río”. 

 Benítez manifestou o seu entusiasmo polo resultado e subliñou que calquera das tres propostas gañadoras, que recibirán un premio de 10.890 euros, servirá para “poñer o río Miño no mapa internacional” polo seu atractivo. O nacionalista explicou que o procedemento para a selección do proxecto final segue agora coa invitación aos autores gañadores para a redacción do anteproxecto da ponte. O contrato para redactar este anteproxecto adxudicarase ao gañador definitivo por un importe de 54.450,00 euros, e agárdase poder telo resolto no que queda de 2018.  

 “É un fito histórico e inédito que se tivera convocado un concurso de ideas internacional por parte da Deputación de Pontevedra con técnicos galegos e portugueses no xurado. Agradezo a colaboración e entusiasmo que se puxo no proxecto”, explicou o nacionalista.   

 A presidenta da Deputación Carmela Silva, que aproveitou para saudar ao xurado na reunión de hoxe, tamén se mostrou “encantada” co resultado da selección. Manifestouse admiradora do arquitecto Álvaro Siza e agradeceu o traballo feito polo comité seleccionador, xa que dixo, “escolleron propostas que manifestan interese en que a cidadanía goze do espazo público”. 

Reunión de traballo dos membros do xurado no Pazo da Deputación de Pontevedra

 Hai que lembrar que a ponte peonil sobre o Miño pretende ser unha ferramenta para crear o primeiro parque transfronteirizo da península ibérica entre o Espazo Fortaleza de Tomiño e o Parque do Castelinho en Vila Nova de Cerveira. Preténdese fomentar a mobilidade peonil e ciclable para aumentar o turismo na zona aproveitando as sendas existentes en ambas ribeiras potenciando os valores ambientais, paisaxísticos e patrimoniais do lugar. Hai que lembrar que o a zona na que se pretende levantar o viaduto é o lugar do río máis estreito de todo o Baixo Miño, con apenas 180 metros entre ambas marxes.  

 Pola súa banda, a alcaldesa de Tomiño, Sandra González Álvarez destacou que os tres proxectos seleccionados “parécenme maravillosos”. Destacou que son “practicamente pezas escultóricas sobre o Miño e poñen a Tomiño e a Cerveira no mapa”. “Agora hai que comezar a camiñar este longo percorrido que nos queda de tramitación administrativa, xa que o de hoxe só é o inicio, nada máis”, subliñou a nacionalista.  

 Pola súa banda, o presidente da Câmara de Vila Nova de Cerveira, Fernando Nogueira, agredeceu á Deputación a súa axilidade e organización á hora de poñer en marcha o concurso de ideas para a ponte. En canto aos deseños destacou que das 26 propostas presentadas inicialmente, dez ou doce encaixarían perfectamente no espazo do río Miño, “especialmente as escollidas polo xurado, xa que polas reunións do xurado viamos que sempre foron respondendo ás nosas expectativas”. “Nós queremos que esta ponte transfronteiriza consolide definitivamente a rexión do Miño e a unión lusogalaica”, finalizou. 

Características das tres pontes 

 A proposta titulada ‘Raia’, pertencente ás sociedades Álvaro Siza (do arquitecto homónimo) e a GOP (representada por Jorge Amorín Nunes) foi a que acadou maior puntuación do xurado, con 90 puntos. Trátase dunha ponte tipo arco cunha forma de ‘S’ en planta de 300 metros de lonxitude. A súa estrutura en horizontal distínguese por ser metalica, ter un largo útil de catro metro, pavimento sintético de poliuretano e unha varanda metáliza. En canto á estrutura vertical, ten un gálibo de 9,20 metros e dousapoios na ribeira do río en forma de pilas metálicas en V e en arco. O encontro cos espazos lindeiros prodúcese ao leste do Espazo Fortaleza de Tomiño, na zona próxima ásvivendas, e ao sur do illote do Parque do Castelinho en Vila Nova de Cerveira, sen afección nin á praia nin ao propio illote. O orzamento construtivo previsto é de 3,38 millóns de euros. 

 O deseño que quedou en segundo lugar foi o titulado ‘Caminho do rio’, da Sociedade Proyectos y Obras de Estructuras e Instalaciones, representada polo vigués Francisco Javier Zubía, e a sociedade Mobilidade e Planeamento do Territorio, representado pola enxeñeira Paula Teles. Propoñen unha planta de directriz quebrada de 323 metros de lonxitude cun taboleiro metálico antideslizante de entre catro e seis metros de largo, cun vano central de 123 metros (con gálibo de 9,50 m) e dous vanos laterais de entre 90 e 110 metros, que se apoia en dous pilares de formigón armado no leito do río. O encontro da plataforma coas ribeiras prodúcese na zona sur da Fortaleza –ao carón do auditorio- e ao sur do Parque do Castelinho, non tendo tampouco nin afección á praia de Tomiño nin ao illote en Vila Nova de Cerveira, cuestión ambas as dúas que foron fundamentais para o xurado. O custe estimado da construción do viaduto, de chegar a escollerse definitivamente a proposta é de 3,35 millóns de euros. 

 O último proxecto que pasou a liña de corte do xurado foi o titulado ‘Una línea sobre el Miño’, das sociedades Burgos y Garrido, representada por Ginés Garrido Colmenero e Bernabeu Ingenieros, representado por Alejandro Bernabeu Larena, que propoñen unha ponte colgante de directriz recta e 330 metros de lonxitude e 9,20 metros de gálibo. A estrutura horizontal proposta está composta por unha plataforma de catro metros de largo cun pavimento de madeira e de formigón e lastro portugués nos extremos, completada cunha varanda de malla metálica con pasamán de aceiro. A estrutura vertical está composta por dous apoios de aceiro na ribeira, que enlazan ao sur do Espazo Fortaleza, tamén na zona do auditorio, e ao sur do Parque do Castelinho. Igualmente non terá afección nin á praia nin ao illote e tería un valor construtivo de 3,38 millóns de euros. 

 Quedaron en reserva, por posibles contratempos coas propostas gañadoras, os deseños titulado ‘Lazos’,‘Euroconverxencia natural’, ‘Fado’ e ‘Venustas’.

 A redacción do deseño da nova ponte peonil e ciclista sobre o Miño está encadrada nunha das actividades do proxecto VISIT_RIO_MINHO presentado á primeira convocatoria do Programa Operativo España-Portugal (POCTEP) 2014-2020 Interreg V-A nunha candidatura conxunta da Deputación de Pontevedra coa CIM Alto Minho, os concellos do norte de Portugal, a Fundación CEER, o Centro Tecnolóxico do Mar e a Universidade de Vigo. Este proxecto obtivo un cofinanciamento do 75% de fondos FEDER no marco da referida convocatoria do POCTEP 2014-2020 Interreg V A, cun orzamento total aprobado de dous millóns de euros, cunha achega da Unión Europea que ascende a 1.500.000 euros. 

A GUARDA

A OMIX publica un tríptico informativo con todas as actividades programadas para 2018  



Sara Alonso / A Guarda

 A  Oficina de Información á Xuventude (OMIX) do Concello da Guarda ven de publicar un tríptico informativo sobre as actividades programadas para este 2018, xa dispoñible ao público no Concello, en entidades educativas e  sociais, e en diversos locais comerciais e de ocio da vila.  

 Co lema “Sal e participa! Comparte. Experimenta. Aprende”, o folleto recolle os distintos obradoiros, cursos e campamentos que a OMIX ofertará durante o ano, con información complementaria de interese. Así, no vindeiro mes de marzo haberá un curso de monitor/a de tempo libre e un obradoiro de elaboración de galletas. O periodo de inscrición estará aberto ata o vindeiro 9 de marzo.  

 No mes de abril, comezará un curso de inglés para adultos que, a un prezo de 25 euros, ofertará ao alumnado as ferramentas necesarias para manter conversacións cotiás; e, tamén en abril, celebrarase un obradoiro de Scketching, en colaboración coa Escola Superior Gallaecia. Este será un obradoiro de aproximadamente 3 horas de duración, co que se pretenderá achegar a toda a poboación as ferramentas para sacar proveito ás habilidades plásticas, o deseño e os recursos multimedia.   

 En maio, tócalle a quenda ao obradoiro de iniciación ao gravado en relevo e de creación de selos para estampar (stamp carving). Da man do artista local Alfonso Vicente Rey, aprenderemos as técnicas básicas do gravado en relevo, para toda aquela persoa que desexe experimentar cun proceso manual e personalizado.   

 A mocidade terá oportunidade de realizar en xuño un obradoiro de vídeo en 1 minuto, organizado en colaboración coa Escola Superior Gallaecia. Este taller ofrecerá os coñecementos e ferramentas básicas para realizar edicións rápidas e sinxelas de vídeo, logrando montaxes audiovisuais completas e atractivas.   

 Nos meses de verán, organizaranse o tradicional campamento urbano e o campus deportivo, cuxas modalidades e prezos de inscricións daranse a coñecer unha vez se anuncie a apertura do prazo de inscrición, previsiblemente en xuño.   

 Durante o derradeiro cuadrimestre do ano,retomaranse os obradoiros de cociña, cun curso centrado na elaboración de masas para no mes de setembro. As populares xornadas de micoloxía celebraranse en outubro, con data a establecer en función da meteoroloxía e, xa en novembro, os e as amantes das manualidades poderán participar nun obradoiro de DIY para a personalización de axendas.    

 A información detallada sobre as actividades programadas a partir do segundo trimestre do ano daranse a coñecer en redes sociais e medios de comunicación nos próximos meses. Para máis información, as persoas interesadas poden dirixirse á OMIX do Concello da Guarda, chamando ao 986 614 546, a través do correo electrónico informacion@aguarda.es ou na súa páxina de Facebook (@patricia.omixaguarda).

A GUARDA

CICLISMO

O CLUB CICLISTA GUARDÉS ORGANIZA UNHA SAÍDA POLO BAIXO MIÑO A A LOURIÑA

Domingo día 25 de febreiro, ás 9:00 h., desde á Alameda


A GUARDA

FÚTBOL

O SPORTING GUARDÉS RECIBE O DOMAIO, F. C.

O domingo día 25 de febreiro, ás 4:30 da tarde no Estadio Municipal A Sangriña




LECER

Cuarto ano dos Bochechas na Televisión Pública de Portugal (RTP)  

• A popular serie da TVG renova un ano máis na canle pública do país veciño, onde Os Bochechas se emiten desde 2015 


Captura de imaxe dos Bochechas no programa da RTP o Zigzag.   

Infogauda / Redacción

 En xaneiro de 2015, tres anos despois de comezar a súa andaina na Televisión de Galicia (TVG), a popular serie Os Bolechas iniciaba unha nova etapa ao dar o salto ao país veciño. A Televisión Pública de Portugal (RTP) comezaba a súa emisión cunha primeira temporada que se emitiu dentro do seu programa estrela da franxa infantil, o Zigzag.   

 O éxito foi tal que a canle pública estatal renovou en varias ocasións, de xeito que os Bochechas –como son coñecidos os populares personaxes de Pepe Carreiro en Portugal–, levan emitíndose desde entón de forma ininterrompida na RTP, empresa pública de radio e televisión que xestiona actualmente varias emisoras de radio e dúas canles de televisión que emiten para todo o territorio portugués, ademais doutras cadeas a nivel nacional e internacional, como a RTP África.   

 Amais da emisión en televisión, a canle pública portuguesa levou a cabo diversos concursos e promocións arredor da serie, deixando patente o seu compromiso cos Bochechas. 
   
Capítulos dispoñibles na app  

 Un compromiso que volveron reafirmar ao incluír Os Bochechas na súa plataforma infantil, de forma que todos os capítulos están dispoñibles para seren vistos a través da súa web e mesmo da app Zig Zag Play, de forma que a cativada pode acceder a eles cando e onde queira a través de múltiples dispositivos.   

 O mesmo acontece cos capítulos emitidos en Galicia, que están xa dispoñibles na app de Xabarín da Televisión de Galicia. “Xabarín TVG” permite ver os debuxos animados 100 % en galego en streaming mediante conexión wifi ou 3G.  

 Deste xeito a serie de televisión dos Bolechas continúa o percorrido iniciado no ano 2012 cando os populares personaxes pasaron dos contos á pantalla con tal éxito que a día de hoxe son xa un referente infantil para a cativada galega tanto no seu tempo de ocio coma no ámbito máis didáctico e formativo, caso dos vídeos “lavar os dentes” e “imos á cama” ou do curso de inglés-galego One2Three que dan continuidade ao labor literario dos Bolechas como referentes de ocio e aprendizaxe nas primeiras idades desde unha perspectiva local e cercana aos referentes culturais da súa audiencia. 

MOVEMENTOS SOCIAIS

CONCENTRACIÓN POLO REXEITAMENTO Á NOVA ZONIFICACIÓN ESCOLAR EN VIGO

Este venres 23 de febreiro, ás 19:00 h., na farola de Urzáiz (Vigo)



 O pasado mércores 21 de febreiro, tivo lugar unha reunión entre a Permanente da Xunta de Persoal Docente (as organizacións sindicais que representan ao profesorado do ensino público) e a Xefatura Territorial de Educación, para falar da proposta de zonificación de Vigo. 

 A Xefatura Territorial de Educación anunciou na Comisión Permanente da Xunta de Persoal Docente que a nova zonificación escolar de Vigo non se implantará para o próximo curso escolar 18-19, como así o demandaba a CIG-Ensino e toda a comunidade educativa de Vigo. 

 Este anuncio pode propiciar a apertura dun diálogo real se a Xefatura Territorial amosa a correspondente vontade. Para a CIG-Ensino, a reunión de hoxe foi meramente informativa, presentando as conclusións do documento de traballo da comisión técnica, pero sen aportar os datos coa que esta traballa. As OOSS presentes non recibimos o documento completo en ningún momento. 

 A zonificación afecta en primeira instancia ás familias, polo que debe ser consultada co Consello Escolar Municipal, no que todos os sectores están representados. 

 Contra o que di a Xefatura Territorial, a Xunta de Persoal Docente si considera que é competente neste tema, pois, ao ordenar os procesos de admisión e matrícula do alumnado, afecta claramente aos centros e postos de traballo do profesorado. Así, ademáis de na forma en que se desenvolveu ata agora o proceso, a CIG-Ensino ve problemas: no deseño das zonas, falta de solucións que fomenten o ensino público, ausencia de previsión de necesidades (Navia), aplicación desigual dos criterios enunciados, ausencia destes e demáis informacións para a análise das adscricións, alumnado repetidor, transportado...  

 Para instar a este necesario diálogo, a Comunidade Educativa de Vigo convoca para este venres 23 de febreiro, unha concentración ás 19:00 h. na Farola de Urzaiz para reclamar diálogo real e consenso na nova zonificación.

(R.)

ARCOS DE VALDEVEZ

Fim de semana Gastronómico decorre dias 3 e 4 de Março

Carne Cachena com arroz de feijão tarreste é o prato de eleição destes dias



María Joâo Brito / Arcos de Valdevez

 Nos dias 3 e 4 de março, Arcos de Valdevez acolhe mais um Fim de Semana Gastronómico, tendo como prato principal, “a Carne Cachena com arroz de Feijão Tarreste”. A tenra carne Cachena proveniente de animais de raça de gado Cachena, criados em zona de montanha, acompanhada pelo Feijão Tarreste, característico das Serras da Peneda e do Soajo, fazem deste prato um sabor distinto do mundo rural e as delícias de quem o prova.

 A par desta iguaria os comensais poderão provar a Broa de Milho, a Laranja de Ermelo, os Charutos de Ovos, o bolo de mel e o bolo de discos, bem como os excelentes Vinhos Verdes do concelho.


 A par do fim de semana gastronómico o Município oferece um leque variado de atividades culturais e lúdicas. No Campo do Trasladário decorrerá a Mostra de Artesanato e Mercado de Sabores, a qual integrará stands de produtores de Arcos de Valdevez e faz parte da contínua aposta de promoção dos produtos locais levada a cabo pelo município, onde os visitantes encontrarão artigos elaborados artesanalmente, bem como uma variada oferta de doces, compotas e vinhos verdes da região.

 Através da Porta do Mezio existe a possibilidade da realização de trilhos pedestres, e, no Paço de Giela de realizar a atividade À mesa com Afonso Henriques”.

 O evento integrará ainda um percurso guiado pela Rota das Quintas de Arcos de Valdevez com prova de vinhos, provas de vinhos comentadas, showcookings, animação com rusgas populares, concertos e teatro na Casa das Artes concelhia, bem como um baile popular com o Grupo Cantares de Outono.

 O fim de semana gastronómico é uma organização do Turismo do Porto e Norte de Portugal, E. R., com a parceria da Câmara Municipal e empresários do Concelho.

 Não perca a oportunidade de visitar Arcos de Valdevez! Uma localidade que se distingue pelo seu rico património natural, cultural e construído, que recentemente viu a paisagem de uma das suas freguesias, Sistelo, ser classificada como monumento nacional, a primeira do país a obter este reconhecimento.

 Aqui encontrará também a célebre Eira dos Espigueiros de Soajo, também homenageada recentemente pela Casa da Moeda no âmbito das moedas Comemorativas 2018, através da cunhagem de um exemplar alusivo aos Espigueiros do Noroeste Peninsular, integrado na série “Etnografia Portuguesa”, com a imagem desta Eira, um dos ex-libris do concelho, classificado pelo IGESPAR como Imóvel de Interesse Público desde 1983.

 Por outro lado, Arcos de Valdevez encontra-se inserido no Parque Nacional Peneda Gerês, o único Parque Nacional do País, classificado como Reserva Mundial da Biosfera.
Venha a Arcos de Valdevez deliciar-se com a gastronomia característica e com as suas paisagens deslumbrantes!

Programa

Sexta-Feira:  02 de Março
22H00 – TEATRO: “Agora” - Ninguém Teatro
       Auditório da Casa das Artes de Arcos de Valdevez
Entrada Gratuita

Sábado: 03 de Março

     09h00“12 Trilhos 12 Experiências” – Trilho dos Sabores e Saberes
Ponto de Encontro: Nature4
              

10h00
- Abertura da “Mostra de Artesanato e Mercado de Sabores”
Campo do Trasladário

     10h00 /13h00 14H00/18H00 - Faça uma foto:  “À mesa com Afonso Henriques”
                                  Paço de Giela

            
10h00 -* Rota dos Vinhos de Arcos de Valdevez
*Inscrições na Loja de Turismo, Tlm. 934 901 967), Email (vinhos.avvez@gmail.com)

12h30 - Fim-de-semana Gastronómico - “Carne da Cachena com Arroz de Feijão Tarreste”
               Restaurantes Aderentes

15h00 - Show Cooking “CACHENA: Um Toque Diferente”
                Epralima – Escola Profissional do Alto Lima
                Campo do Trasladário

15h30 – Animação Rusga Popular de Arcos de Valdevez
                Campo do Trasladário

16h30 Prova Comentada de Vinhos 
                Associação de Vinhos de Arcos de Valdevez
                Campo do Trasladário

19h00 - Fecho da “Mostra de Artesanato e Mercado de Sabores”        

20h00
- Fim-de-semana Gastronómico - Carne da Cachena com Arroz de Feijão Tarreste
               Restaurantes Aderentes
                         
22H00 – Valdevez Fashion Solidário
                               Org. Zeza Cabeleireiros
            Centro de Informação e Exposições  

                 23H00 – MÚSICA: POP ROCK: BLIND ZERO
Inserido no SONS DE VEZ- 16º Mostra de Música moderna Portuguesa
                            (Compra e reservas de ingressos: 258 520 520 | Preço único: 8.00€)
            Auditório da Casa das Artes  


 Domingo: 04 de Março
10h00 - Abertura “Mostra de Artesanato e Mercado de Sabores”   
               Campo do Trasladário
              
              10h00 /13h00 14H00/18H00 - Faça uma foto:  “À mesa com Afonso Henriques”
                           Paço de Giela

12h30 - Fim-de-semana Gastronómico: “Carne da Cachena com Arroz de Feijão Tarreste”
                Restaurantes Aderentes

14h30 - Show Cooking “Bolo de Mel Regado” – RM Rosa Maria
                Campo do Trasladário

                15h30 - Baile Popular: CANTARES DE OUTONO
               Campo do Trasladário

15h30 – Encerramento da “Mostra de Artesanato e Mercado de Sabores

LABORAL

A CIG-Industria de Vigo logra dous delegados no comité de Gallega Mecánica (Game) 

A central gaña as eleccións sindicais no taller ao superar en votos a CCOO

Instalacions da empresa Gallega Mecánica (Game), no polígono da Pasaxe, en Vincios 
Foto:CIG

Infogauda / Gondomar

 A federación de Industria da CIG de Vigo logrou dous delegados/as no comité de empresa de Gallega Mecánica (Game), compañía dedicada ao mantemento industrial que pertence ao grupo Ganain e que conta con 60 traballadores/as. A central gañou as eleccións sindicais no taller ao superar en votos a CCOO.  

 Tras o proceso electoral que se vén de celebrar na firma situada no polígono da Pasaxe, en Vincios (Gondomar), a CIG conta por primeira vez con representantes no comité de empresa, integrado por cinco delegados/as, xa que até o de agora o único sindicato con representación era CCOO. 

 A central superou en votos a CCOO entre o persoal de taller (21 a 19), pero o sindicato estatal obtivo un total de tres delegados/as ao lograr outros dous representantes no taller e tamén o que se escollía nas oficinas, onde foi a única candidatura presentada.

 Dende a CIG-Industria agradecen a confianza depositada polos/as empregados/as de Game nos candidatos da central, que centrarán os seus esforzos na mellora das condicións de traballo e na defensa dos dereitos laborais do conxunto do cadro de persoal.

LABORAL

O persoal de Maderas Iglesias marcha até a Xunta en Vigo en defensa dos postos de traballo 

A empresa do Porriño estivo sen actividade como consecuencia da xornada de folga convocada

A camiñada, na que participaron arredor de 200 persoas, arrincou das instalacións da empresa no Porriño ás 8.30 horas e chegou á delegación da Xunta en Vigo pasadas as 13:00 horas
Fotos: CIG

Infogauda / O Porriño

 O cadro de persoal de Maderas Iglesias, firma do Porriño dedicada á fabricación de tarima flotante que se atopa nunha situación crítica, marcou hoxe a pé dende as instalacións da compañía até a sede da Xunta en Vigo para reclamar medidas que garantan a continuidade da empresa e o mantemento de todos os postos de traballo. A fábrica situada na estrada de Atios a Pontellas, a única das tres que conta con actividade, estivo paralizada durante toda o día como consecuencia da xornada de folga convocada polo comité de empresa para facilitar a participación dos traballadores/as na mobilización.


 A camiñada, na que participaron arredor de 200 persoas, arrincou das instalacións da empresa no Porriño ás 8.30 horas e chegou á delegación da Xunta en Vigo pasadas as 13:00 horas. Durante o percorrido o berro de consignas foi constante: “Queremos traballar, pero tamén cobrar”, “Maderas Iglesias solución”, “Traballo digno na nosa terra” ou “Queremos traballar e non emigrar”.

 Unha vez en Vigo, os traballadores/as fixeron unha parada no hotel NH Collection da rúa García Barbón, que é propiedade do dono de Maderas Iglesias. Alí permaneceron varios minutos coreando consignas antes de continuar a marcha. O establecemento hoteleiro estivo en todo momento custodiado por varias dotacións da Policía española, ás que se sumaron numerosos efectivos da Policía autonómica ao chegar á Xunta.

 Ao remate da protesta, que coincidiu coa convocatoria dunha xornada de folga que paralizou a actividade da empresa, o presidente do comité, Vicente Molares, da CIG, tomou a palabra para agradecer a presenza tanto dos traballadores/as como das súas familias e dos representantes políticos que se solidarizaron coa loita que manteñen en defensa dos seus postos de traballo.  

 Molares anunciou que este venres 23 manterán unha nova xuntanza co Igape e coa dirección da empresa en Santiago a partir das 12:30 horas para intentar chegar a un acordo que permita salvar o modo de vida de 250 traballadores/as e das súas familias e que garanta a supervivencia dunha das empresas máis importantes do sur da provincia de Pontevedra.

21/02/2018

TURISMO

A Xunta de Galicia presenta en Vigo o proxecto de sinalización e mellora do Camiño Portugués da Costa que revalorizará este itinerario 

Nava Castro e Ignacio López-Chaves expuxeron as actuacións de mellora previstas para este ano nesta ruta xacobea ao seu paso polo termo municipal de Vigo

Os traballos, cun investimento global de máis de 700.000 euros, beneficiarán a peregrinos e veciños dos sete concellos da provincia de Pontevedra polos que discorre este Camiño, recoñecido oficialmente grazas a Lei do Patrimonio Cultural  

“Damos un novo paso na protección e conservación de todas as rutas xacobeas”, declarou a directora de Turismo, que sinalou o intenso crecemento desta variante

A directora de Turismo, Nava Castro, e o delegado territorial de Xunta de Galicia en Vigo, Ignacio López-Chaves, presentaron hoxe o proxecto de sinalización e mellora do Camiño Portugués da Costa ao seu paso por este municipio. 

Infogauda / Vigo

 A directora de Turismo, Nava Castro, e o delegado territorial de Xunta en Vigo, Ignacio López-Chaves, presentaron hoxe o proxecto de sinalización e mellora do Camiño Portugués da Costa ao seu paso por este municipio. Está previsto que a actuación se realice durante este ano como parte do cronograma do Plan director do Camiño de Santiago, que centra os investimentos en 2018 neste itinerario xacobeo e no Camiño Portugués, as dúas rutas que entran na provincia de Pontevedra a través do país veciño. 

 O proxecto global, actualmente na súa fase de licitación, conta cun investimento superior aos 700.000 euros, o que permitirá acometer toda unha serie de melloras, beneficiando aos peregrinos e á veciñanza, no propio termo municipal de Vigo e no resto de concellos do Camiño Portugués da Costa: A Guarda, O Rosal, Oia, Baiona, Nigrán e Redondela.  

 “Damos un novo paso na protección e conservación de todas as rutas xacobeas”, declarou Nava Castro, que lembrou que o Camiño Portugués da Costa foi oficialmente recoñecido en 2016 grazas á aprobación da Lei do Patrimonio Cultural de Galicia impulsada pola Xunta.  

 Esta actuación servirá para revalorizar, promover e revitalizar o Camiño Portugués da Costa, que non deixa de medrar desde a súa aprobación. De feito, en 2017 o percorreron case 7.500 peregrinos, fronte os 2.600 do 2016. Suporá unha mellora substancial na sinalética, que quedará adaptada á normativa vixente e ao trazado provisional previsto en dita lei.  

 Coordinación cos concellos 

 A presentación do proxecto en Vigo tivo lugar despois de que a proposta fora xa trasladada o pasado mes de novembro á Mesa do Camiño de Santiago na provincia de Pontevedra, onde están representadas as diferentes administracións implicadas na ruta. Ademais, este mesmo mes mantivéronse dúas reunións cos concellos do Camiño Portugués e do Camiño Portugués da Costa, onde cada concello puido recibir o proxecto concreto do seu municipio.  

 O procedemento aplicado co Camiño Portugués de Costa e co Camiño Portugués segue o modelo desenvolvido nos últimos anos co Camiño do Norte, co Camiño Primitivo, co Camiño Inglés e co Camiño de Fisterra e Muxía, os anteriores traballos no Plan director do Camiño.  

 A maiores do proxecto de sinalización, ao longo deste ano impulsaranse nestes itinerarios accións divulgativas, de promoción, programas de dinamización cultural ou exposicións.  

COOPERACIÓN

A ‘AECT RIO MINHO’ NACERÁ ESTE SÁBADO 

PARA OPTAR A FONDOS EUROPEOS E POTENCIAR O TERRITORIO DA FRONTEIRA
   
O deputado de Cooperación Transfronteiriza, Uxío Benítez explica que os estatutos asinaranse ante notario, nun acto protocolario oficial en Valença  

Estarán presentes representantes dos gobernos estatais español e portugués, do executivo galego, da provincia e dos concellos e câmaras asociados  

Uxío Benítez Fernández, deputado de Cooperación Transfronteiriza da Deputación de Pontevedra
Foto: D. P.

Infogauda / O Baixo Miño

 A nova Agrupación Europea de Cooperación Territorial (AECT) Río Minho nacerá este sábado como nova ferramenta xurídica para optar e xestionar fondos europeos e potenciar así o territorio da fronteira formado por 16 concellos do Sur de Pontevedra e 10 câmaras do Norte de Portugal. O deputado de Cooperación Transfronteiriza da Deputación de Pontevedra –socio principal da nova asociación-, Uxío Benítez Fernández, anunciou hoxe que está previsto celebrar un acto protocolario en Valença do Minho para asinar ante notario os estatutos que contará coa presenza altos representantes dos gobernos español e portugués, do goberno galego e do ente homólogo portugués (CCDR-N), así como das administracións provinciais e locais implicadas no proxecto. 

 Segundo explicou o deputado Benítez, a nova AECT Rio Minho será un instrumento estable xurídico que permitirá optar e xestionar fondos europeos de xeito máis áxil que ata o de agora, promover e organizar accións de cooperación do territorio de forma directa, así como servir de foro estable sobre o río Miño. De feito, preténdese que estea ao servizo das eurocidades existentes agora mesmo na fronteira, xa que a AECT está amparada por unha lexislación propia para operar en España e Portugal con maiores facilidades burocráticas e administrativas que na actualidade. Tui-Valença, Salvaterra-Monçao, Tomiño-Vila  Nova de Cerveira ou A Guarda-Caminha poderán desenvolver proxectos conxuntos de cooperación transfronteiriza moito máis facilmente que agora. A AECT aforrará moitos trámites”, subliñou o nacionalista.  

 A AECT Rio Minho será a oitava agrupación destas características que se crea na Península Ibérica para desenvolver territorios transfronteirizos e formará parte do grupo das máis de 70 existentes na UE logo de que se aprobase como fórmula xurídica no ano 2006. O deputado Uxío Benítez explica que, en calquera caso, a ‘Rio Minho’ será a AECT situada na fronteira máis poboada e con maior tránsito de vehículos dentro do territorio peninsular, xa que acumula practicamente a metade de viaxes de toda a fronteira con Portugal só no treito da provincia de Pontevedra.   

 Unha vez que este sábado se proclame o nacemento oficial da Agrupación Europea do territorio do Miño coa sinatura do convenio entre os seus dous principais socios (Deputación de Pontevedra e CIM Alto Minho) e dos seus estatutos, será necesaria a súa publicación no Diario Oficial da República portuguesa para, posteriormente, reunir á asemblea xeral o próximo mes, onde se elixirá presidente.  

 O acto formal de constitución realizarase este sábado na Pousada de São Teotónio ás 12 horas (hora española) na Fortaleza de Valença do Minho. Estarán presentes, ademais da presidenta da Deputación Carmela Silva e da CIM Alto Minho José María Costa, o secretario xeral de Coordinación Territorial do Ministerio de Presidencia do Goberno do Estado español, Juan Ignacio Romero; o secretario de Estado do Desenvolvimento e Coesão do Goberno de Portugal Nelson de Souza; o director xeral de Relacións Exteriores da Xunta de Galicia, Jesús Gamallo Aller; a vicepresidenta do CCDR-N, EsterGomes da Silva, e o presidente de Uniminho, que intervirán para poñer en valor a nova AECT.  

 Estarán presentes tamén o reitor da Universidade de Vigo e presidente do FCEER, representantes do CETMAR, da Marrina de Tui, da Confederación Hidrográfica, da Confederación de Empresarios de Pontevedra, da Cámara de Comercio de Tui, da Axencia de Turismo da Xunta, do Servizo provincial de Costas, e dos concellos asociados (A Guarda, O Rosal, Oia, Tomiño, Tui, O Porriño, Salceda de Caselas, Salvaterra, Ponteareas, As Neves, Mondariz, Mondariz Balneario, Arbo, Crecente, A Cañiza e Covelo) xunto aos dez de Portugal.   

 Potencialidades turísticas 

 Segundo explicou Benítez, o territorio do Miño que se beneficiará da AECT abrangue 3.312 quilómetros cadrados de territorio e 375.995 habitantes e “ten unha determinación e unha identidade, paisaxe e condicións socioeconómicas conxuntas” que é preciso poñer en valor.   
 O deputado destaca que a súa situación xeoestratéxica no eixo Vigo-Porto fai que este territorio teña unhas potencialidades de desenvolvemento moi grandes, polo que é preciso potenciar os seus valores ambientais e, sobre todo, turísticos. “Ese será un dos principais e máis importantes cometidos a nova AECT: o desenvolvemento dunha marca turística do río Miño que permita artellar unha estratexia conxunta de todo o territorio e non só concello a concello”, subliñou Benítez.