ADETO finalizou a campaña do
Nadal ca entrega de premios dos cheques regalo o pasado venres
Despois de
repartirse máis de 30.000 papeletas polos asociados participantes
A fotografía corresponde o acto de entrega dos premios os escolares do concurso de postais de Nadal
Lorena Quinteiro / Tomiño
Ás 21:00 horas do venres día 20 de xaneiro, procedeuse a entregar
os premios ó centenar de gañadores dos cheques e agasallos doados polos
establecementos participantes na campaña, así como os aportados por ADETO. (A todos
os que non puideron asistir a recoller o seu premio, poden achegarse ata o
local de ADETO nas Galerías da Rúa Gondomar polas mañás).
Na imaxe, directivos de ADETO e clientes premiados polas súas compras nos establecementos asociados
Unha campaña na que se realizaron diferentes
actividades tamén, como foron animación nas rúas os días 23 e 30 de decembro, a
colaboración co Concello nas Actividades de Nadal que se realizaron na carpa na
Praza do Seixo, ou a celebración, un ano máis, do concurso de postais de Nadal,
entre os nenos de tódolos colexios do concello de infantil e primaria, e no que
participaron uns 400 alumnos, resultando premiadas 8 postais de varias
categorías, sendo os gañadores:
CATEGORÍA A (Educación infantil):
Alba Pérez Muñoz - CRA Mestre Manuel Garcés
María Pérez Ríos - CEIP de Tebra
CATEGORÍA B (1º e 2º Primaria):
Aaron Dacuña Sierpes - CEIP de Sobrada
Brais Da Silva Alonso - CEP Pedro Caselles Beltrán
CATEGORÍA C (3º e 4º Primaria):
Noa Pérez Ríos - CEIP de Tebra
Tomás Castiñeira Troncoso - CEIP Pintor Antonio Fernández
CATEGORÍA D (5º e 6º Primaria):
Virginia Beiro Bernández - CEIP Pintor Antonio Fernández
Ismael González Álvarez - CEP Pedro Caselles Beltrán
Este ano
ademáis, o Servizo de Atención Diurna do Concello de Tomiño integrado na rede
pública do Consorcio Galego de Igualdade e Benestar dependente da Conselleria
de Política Social, en colaboración coa asociación realizou unha coroa de
Nadal decorativa para cada establecemento asociado.
As coroas, feitas a man e con materiais
totalmente reciclables e reutilizables, foron creadas polos/as usuarios/as con
apoio do persoal. Entre ambos recopilaron o material necesario para crear os
adornos que van dende o papel de periódico que reciben todos os días no centro
ata retallos pequenos de tea que tiñan pola casa, pasando por restos de vides
sobrantes da poda ou tapóns de botellas plásticas e cortizas.
Ningún comentario:
Publicar un comentario