A ASOCIACIÓN SAN XEROME EMILIANI COMEZA O CAMIÑO DE SANTIAGO POLA COSTA
A iniciativa está enmarcada dentro das actividades programadas para festexar o XL Aniversario da Asociación
Asociación San Xerome Emiliani / A Guarda
Este ano 2017 cumprimos 40 anos traballando por acadar os soños e obxectivos dos nosos usuarios e familias, polo que decidimos levar a diante unha iniciativa enmarcada dentro das actividades programadas para festexar o noso 40 aniversario: realizar o Camiño de Santiago pola costa.
Facer o Camiño de Santiago supón un reto de aprendizaxe, unha experiencia diferente, unha oportunidade de interaccionar e disfrutar cos compañeiros, de coñecer novos lugares e sobre todo pasalo moi ben.
Realizaremos o camiño en 10 etapas, unha etapa cada xoves rematando o xoves 6 de xullo de 2017. Participaran todos os usuari@s do servizo de adultos que o desexen, profesionais, familiares e voluntarios.
Comezamos o camiño o xoves día 4 de maio na Praza do Reloxo e a etapa remata en Oia.
Agradecemos a todos os colaboradores a súa aportación para que outro soño mais se cumpla.
Ningún comentario:
Publicar un comentario