MIGUEL LAGO, EN DIRECTO!
Sábado día 20 de maio, ás 22:30 h., no Auditorio do Rosal
Infogauda / O Rosal
Desde a directiva do Acanor Atlético Novás afirman que lles gusta estar de bó humor e saben que o respetable público tamén. Así que nesta ocasión traen o Rosal unha boa dose de risa da man de Miguel Lago (Vigo, 1981).
As entradas xa están agardando por todos nos seguintes puntos de venda:
· O Rosal: Administración de Loterías, Comercial R2 e Bar A Competencia.
· A Guarda: Bar Barros, As de Copas, Síngular Lounge Disco e Informática Jaime.
· Tomiño: Carnicería Florentiña.
MIGUEL LAGO
Miguel Lago é o gran exemplo do home espectáculo cuxo referente é Ricky Gervais, co que coincide no seu humor sen concesións, politicamente incorrecto. Lago aderézao co seu traxe perfectamente pasado polo ferro, inspirado en Jerry Seinfield, e unha arma infalible: a retranca galega, coa súa mestura de ironía e malo leite.
Un bo exemplo diso é o seu espectáculo de monólogos, "Son un miserable", mordaz e hilarante retrato das miserias humanas do que xa gozaron máis de 50.000 espectadores en toda España.
Miguel Lago é licenciado en Filoloxía Hispánica, "por ter algo seguro se non saía ben o do espectáculo", como el mesmo explica no seu monólogo 'Son un hijoputa (volume 3)', un dos nove que gravou en Paramount Comedy, e o seu preferido de todos eles: "É o máis televisivo, prefiro os últimos traballos aos primeiros, aínda que son máis impulsivos e espontáneos e recoñézome neles cando se seguen repoñendo".
Co seu peiteado ao estilo de un coñecido banqueiro que xa coñexe o que é "estar no limoeiro" (aínda que non sempre foi así), Lago fixo que o seu arrogante e sincero alter-ego cative a un público moi amplo, incluídos presidentes de Goberno ou directivos de empresas. "Funciona ben, a pesar de elixir un camiño que non é o maioritario. Pero a miña máxima é que se algo é divertido, é bo; e se é bo, funciona!", asegura.
Comezou a dedicarse ao humor aos 18 anos e descubriu o xénero coa primeira edición de 'O Club da Comedia'. Tras catro anos facendo actuacións por Galicia, presentouse as probas de selección deste espazo e logrou ser escollido entre os 20 mellores dos 800 candidatos.
En 2005, comezou a colaborar con 'Central de Cómicos', en Paramount Comedy, onde protagonizou tamén un especial "Pata Negra". Lago participou tamén na terceira edición de '10 Cómicos 10', en 2011. O seu seguinte espectáculo foi 'España o serás ti', un especial de humor en clave política xunto a Quequé producido por Paramount Comedy.
Ademais de monologuista e presentador, Miguel Lago interpretou a Don Luís no docu-realidade "Curso do 63", de Antena 3, e a súa secuela "Curso do 73", en Neox. É autor do libro 'Manual do cómico novato', o primeiro compendio de caseta-comedia publicado en España.
Ningún comentario:
Publicar un comentario