O CICLISMO GALEGO
Francisco Alvarez Koki (*)
Quedei
sorprendido este ano, no mes de Xaneiro, cuando puiden enterarme polos meos de comunicación,
da presentación da Volta a España, no Palacio de Congresos de Santiago de
Compostela. Parece ser que mais que na edición anterior, varias das etapas
discurrirán pola xeografía galega. Quedei sorprendido, quedei preocupado e doído
como galego que ama o ciclismo. Non sei de donde saíu agora tanta ilusión polo
ciclismo galego do noso goberno. Tamén puidese ser que o quixeran utilizar como
ferramenta turística. O certo e que nestes últimos anos hai un folclorismo
patético, arredor do deporte do pedal. O que mais me
sorprende e a complicidade do ciclismo galego co goberno, xa que gracias as súas
actitudes estamos como estamos. Porque foi este goberno que nada mais chegar o
poder, desfixo as ilusións dos nosos ciclistas profesionais. Polo tanto, penso
que todo o ciclismo galego, debía de estar ausente nesa presentación. Escribo
este artigo, en vésperas da saída da volta a España, porque non puiden menos
que sentir noxo. Sabemos que as bases do ciclismo, son os clubes, que fomentan afición e preparan os ciclistas
nas diferentes categorías amateurs. Pero que pasa cuando chegan o eido
profesional. E aí onde se precisa toda axuda posible para coroar ese soño do
corredor ciclista. Fagamos un pouco de historia, para que non esquezamos, porque esquecer e ter a covardía de non recoñecer o pasado.
O
27 de Abril do 2006, aparece un artigo no xornal El País, onde se anunciaba que
dende a consellaría de Cultura e Deporte, e a través do que sería Fundación do
Ciclismo Galego, o nacemento de un equipo profesional galego, baixo o
patrocinio de o ex xogador do celta Valery Karpin. Nese intre o director xeral
para o Deporte era Santiago Domínguez Oliveira.
A
iniciativa privada de Valery Karpin, S. L. e Caixa Nova, financiarían o 67% do
orzamento que ascendía a 3.7 millóns de euros, o restante 33% sería posto pola
Xunta e a Deputación de A Coruña. Na súa primeira aparición no ano 2007, o
Karpin Galicia, tivo moito éxito, onde ademais de ganar etapas en distintas
probas, conseguiron un meritorio quinto posto na Volta a España que gañaría
Denis Menchov.
No 2008 comezaron ganando unha etapa na Volta
a Cataluña, que logo ganaría o corredor, Gustavo César Veloso. Pero foi neste fatídico ano en que o
Karpin e os cartos do patrocinio desapareceron e crearon un ambiente caótico,
que nese momento a Xunta de Galiza resolveu. E o día 15 de Agosto dese mesmo
ano decidiron o total patrocinio do equipo galego, que dende ese momento
pasaría a chamarse Xacobeo Galicia, aportando o goberno galego, os cartos do
patrocinador Valery Karpin, quen logo no ano 2010 sería xulgado e condenado a pagar o equipo 2 millóns de euros.
No 2009 prodúcese un cambio no color da política
de Galiza, onde o Partido Popular, releva o bipartito B.N.G. e P.S.O.E. O novo
secretario xeral para o deporte pasa a ser José Ramón Lete Lasa. O 2010, foi un
ano de incertidume, xa que o director do equipo Álvaro Pino, anuncia que esa
sería a súa última tempada na escuadra
galega. Desexando que o equipo durase moitas temporadas mais. Así neste
ambiente camaleónico, vivían os seus corredores, e nese mesmo ano o corredor
Ezequiel Mosquera, ademais de gañar a etapa raiña, que terminaba na mítica Bola
do mundo, queda segundo na Volta a España, detrás do gañador o italiano Vicenzo
Nibali, e Serafín Martínez segundo na clasificación da montaña. A todo isto e a
pesar de un comunicado, o dia 9 de Setembro, de que a escuadra galega Xacobeo
Galicia, continuaría un ano mais no pelotón, o 27 de Setembro, José Ramón Lete,
Secretario Xeral para o Deporte, anunciou que a situación do equipo era moi
delicada o non encontrar patrocinador. Así no día 30 de Setembro, fíxose
publica a desaparición do equipo. O 7 de Outubro dese mesmo ano, na Praza do
Obradoiro, os galegos manifestáronse en contra da desaparición do equipo
profesional galego. Nos distintos xornais galegos e do resto de España,
apareceron distintas notas do calvario que os corredores e os auxiliares
pasaron para cobrar o que se lles debía. A día de hoxe xa pago según a Fundación
do ciclismo galego. Non e necesario facer mais comentarios. Solo preguntarlle a
Serafín Martínez, por que colgou a bicicleta, e por que os corredores galegos tiveron
que emigrar algúns a Portugal, como Gustavo César Veloso, que xa gañou a Volta
a Portugal catro veces. Que non nos vendan a moto, despois de deixarnos sin
equipo profesional.
* Poeta, escritor e xornalista.
Ningún comentario:
Publicar un comentario